കൊച്ചി: ആഗോള സുഗന്ധവ്യഞ്ജന വ്യാപാരത്തില് സുസ്ഥിരത, ട്രേസബിലിറ്റി, ഭക്ഷ്യസുരക്ഷാ നിലവാരങ്ങള് എന്നിവ നിര്ണായക ഘടകങ്ങളായി മാറിയ സാഹചര്യത്തില് മാര്ഗരേഖകളും ഭാവി പദ്ധതികളും ചര്ച്ച ചെയ്യുന്നതിനായി സുസ്ഥിര സുഗന്ധവ്യഞ്ജന മൂല്യശൃംഖലാ സെമിനാര് സംഘടിപ്പിച്ചു.
ദക്ഷിണേന്ത്യയിലെ നെതര്ലന്ഡ്സ് കോണ്സുലേറ്റും വേള്ഡ് സ്പൈസസ് ഓര്ഗനൈസേഷനും ചേര്ന്നു കൊച്ചി ലെ മെറിഡിയനില് സംഘടിപ്പിച്ച സെമിനാറില് കയറ്റുമതിക്കാര്, കര്ഷക ഉത്പാദക സംഘടനകള്, അന്താരാഷ്ട്ര ഏജന്സികള്, സര്ക്കാര് പ്രതിനിധികള് എന്നിവര് പങ്കെടുത്തു.
ദക്ഷിണേന്ത്യയിലെ നെതര്ലാന്ഡ്സ് കോണ്സല് ജനറല് എവൗട്ട് ഡി വിറ്റ് സെമിനാര് ഉദ്ഘാടനം ചെയ്തു. ആഗോളനിലവാരങ്ങള് പാലിക്കാന് ട്രേസബിലിറ്റിയും സര്ട്ടിഫിക്കേഷനും ഗുണനിലവാരവും ശക്തിപ്പെടുത്തേണ്ടതുണ്ടെന്ന് അദ്ദേഹം പറഞ്ഞു. ഐഡിഎച്ച് പ്രോഗ്രാം മാനേജര് സൗരഭ് സിന്ഹ, സുഗന്ധവ്യഞ്ജന വിതരണ ശൃംഖലയിലെ അപകടസാധ്യതകള് തിരിച്ചറിയുന്നതും കുറയ്ക്കുന്നതുമായി ബന്ധപ്പെട്ട സാങ്കേതികസംവിധാനങ്ങള് വിശദീകരിച്ചു.
എന്എസ്എസ്പി പദ്ധതിയുമായി സഹകരിക്കുന്ന കര്ഷക ഉത്പാദക സംഘടനകളെ പ്രതിനിധീകരിച്ച് നെഡ്സ്പൈസ് ഇന്ത്യ എക്സിക്യൂട്ടീവ് ഡയറക്ടര് ഗണപതി, തെലുങ്കാനയിലെ പശിദി പന്ത ഫൗണ്ടേഷന് സിഇഒ കൃഷ്ണയ്യ കോടിമല്ല എന്നിവര് അനുഭവങ്ങള് പങ്കുവച്ചു.
E-paper LOGIN
LOGIN
